ნეიმარმა „სანტოსში“ დაბრუნების შემდეგ ძირითად შემადგენლობაში პირველი მატჩი ჩაატარა, მაგრამ დასაწყისი კარგი ნამდვილად არ გამოვიდა, რაზეც სტატისტიკა მეტყველებს.

„ნოვორიზონტინოსთან“ „სანტოსი“ ოდენ უგოლო ფრეს დასჯერდა, ხოლო ნეიმარი 75-ე წუთზე შეცვალეს. ამ დროში ბრაზილიელმა ფეხბურთელმა ბურთი 24-ჯერ დაკარგა და მხოლოდ ერთი წარმატებული დრიბლინგი ჰქონდა (8-დან). ნეიმარის მსგავსი ფეხბურთელისთვის ეს სტატისტიკა თავისთავად მეტყველებს.

ბრაზილიელმა ბოლო ორ წელიწადში მხოლოდ 7 მატჩი ჩაატარა, რადგან ტრავმები აწუხებდა. ცხადია, ის საუკეთესო ფორმისგან ძალიან შორსაა და დრო დასჭირდება.

შეგახსენებთ, რომ ნეიმარი „სანტოსში“ 12-წლიანი პაუზის შემდეგ დაბრუნდა.