დორტმუნდის „ბორუსია“ გუნდის მთავარი მწვრთნელის თანამდებობაზე ერიკ ტენ ჰაგის მიწვევას არ გეგმავს, რომელიც მიმდინარე სეზონში „მანჩესტერ იუნაიტედიდან“ დაითხოვეს. ამის შესახებ ცნობილმა ჟურნალისტმა და ინსაიდერმა ფლორიან პლეტენბერგმა სოციალურ პლატფორმა X-ზე (ყოფილი ტვიტერი) დაწერა.

შეგახსენებთ, რომ წინა დღეს, 22 იანვარს, „ბორუსიამ" ნური შაჰინის გათავისუფლების შესახებ განაცხადა. დღეის მდგომარეობით, დორტმუნდელები ბუნდესლიგის სატურნირო ცხრილში 25 ქულით მე-10 ადგილს იკავებენ.

ტენ ჰაგმა „მანჩესტერ იუნაიტედში“ სამსახური 2024 წლის ოქტომბერში დაკარგა. ნიდერლანდელი სპეციალისტი „წითელ ეშმაკებს“ 2022/2023 წლების სეზონის დაწყებიდან წვრთნიდა. მისი ხელმძღვანელობით მანკუნიანელებმა ინგლისის ასოციაციის და ლიგის თასები მოიგეს.