„ლიონის“ მთავარი მწვრთნელი პიერ საჟი შესაძლოა გაათავისუფლონ, შესაბამისად, გიორგი მიქაუტაძეს ფრანგულ გუნდში ახალი მწვრთნელი ჰყავდეს.

ფრანგული მედიის ცნობით, პიერ საჟის სკამი მას შემდეგ შეირყა, რაც „ლიონი“ საფრანგეთის თასიდან მე-5 ლიგის ბინადარ „ბურგონთან“ მარცხით გავარდა, ხოლო შემდეგ ლიგა 1-ში „ტულუზის“ წინააღმდეგ ქულები დაკარგა.

საჟის შემცვლელად პაულუ ფონსეკა სახელდება. პორტუგალიელი სპეციალისტი, რომელსაც საფრანგეთში მუშაობის გამოცდილება აქვს, სადაც 2022-2024 წლებში „ლილის“ თავკაცი იყო. ფონსეკა ბოლოს „მილანში“ მუშაობდა, საიდანაც 3 კვირის წინ გაათავისუფლეს.

„ლიონი“ ლიგა 1-ში 18 ტურის შემდეგ 29 ქულით მეექვსე ადგილზეა.