საფრანგეთის ეროვნული ნაკრების ყოფილმა ფეხბურთელმა სამირ ნასრიმ ხვიჩა კვარაცხელიას "პარი სენ-ჟერმენში" ტრანსფერზე Canal Football-თან ისაუბრა და განაცხადა, რომ კვარა პსჟ-ს ძალიან გააძლიერებს.

კვარაცხელია ძალიან კარგი ფეხბურთელია და იმ ფონზე, რომ ბარკოლამ როგორც, ლიგა 1-ში, ისე ჩემპიონთა ლიგაზე თამაშს ძალიან მოუკლო, მისი დამატება სწორი გადაწყვეტილებაა. ვფიქრობ კვარაცხელიას შეუძლია პსჟ გააძლიეროს, რადგან გამარჯვების მენტალიტეტი აქვს და დემბელესთან ერთად კარგ დუეტს შექმნის. როდესაც ხვიჩა კარგ ფორმაშია მისი შეჩერება ძალიან რთულია." - განაცხადა ნასრიმ.

ხვიჩა კვარაცხელიამ "პარი სენ-ჟერმენთან" კონტრაქტი 2029 წლის 30 ივნისამდე გააფორმა, კიდევ ერთი წლით განახლების ვარიანტით, ხელფასის სახით სეზონში ბონუსებით 11 მილიონ ევროს გამოიმუშავებს. ქართველის დებიუტი სავარაუდოდ, 25 იანვარს, "რეიმსის" წინააღმდეგ მატჩში შედგება.