ლა ლიგის მე-20 ტურში მადრიდის „რეალმა“ საკუთარ მოედანზე „ლას პალმასი“ 4:1 დაამარცხა და გალიდერდა.
მიუხედავად იმისა, რომ პირველივე წუთზე სტუმრები დაწინაურდნენ, მადრიდელებმა მეტოქეს შანსი არ დაუტოვეს და კილიან მბაპეს დუბლით, ბრაიმ დიასის და როდრიგოს გოლებით აჯობეს.
„რეალმა“ „ატლეტიკოს“ მარცხით ისარგებლა და კონკურენტს ერთი ქულით გაასწრო, შესაბამისად, პირველ ადგილზეა. კარლო ანჩელოტის გუნდმა „ბარსელონასთანაც“ 7 ქულამდე გაზარდა უპირატესობა.
