საფრანგეთის ლიგა 1-ის მე-18 ტურში „სენტ ეტიენმა“ უშუალო კონკურენტ „ნანტთან“ ქულები გაიყო - 1:1.

ზურიკო დავითაშვილმა შეუცვლელად ითამაშა, ერთი საგოლე შანსი ჰქონდა, მაგრამ მცველმა დაუფარა და ამჯერად თამაში შედეგიანი მოქმედების გარეშე დაასრულა.

„ნანტი“ მე-14 წუთზე დაწინაურდა და ახლოს იყო მოგებასთან, მაგრამ მასპინძლებმა 86-ე წუთზე აგუსტინ ბოაკის ძალიან ეფექტური გოლით გაათანაბრეს და ქულა მაინც მოიპოვეს.

ზურიკო დავითაშვილის აქტივში ლიგა 1-ის მიმდინარე სეზონში 16 მატჩი, 6 გოლი და 2 საგოლე პასია.

„სენტ ეტიენი“ 17 ქულით მე-14-მე-16 ადგილებს „რენთან“ და „ნანტთან“ ერთად იყოფს, მომდევნო ტურში კი, 24 იანვარს, „ოსერს“ ესტუმრება.