„პარი სენ-ჟერმენის“ თავდამსხმელის, რანდალ კოლო მუანის „იუვენტუსში“ გადასვლა ჯერჯერობით, ოფიციალურად ვერ დადასტურდა.
ამის მიზეზი ფრანგული კლუბის წარმოუდგენელი შეცდომაა: საქმე ისაა, რომ პსჟ-ს მიმდინარე სეზონში 6 ფეხბურთელი ჰყავს განათხოვრებული, რაც მაქსიმუმია, კლუბებს სეზონში ექვსზე მეტი ფეხბურთელის იჯარით გაშვება არ შეუძლიათ, ამიტომაც, „იუვეში“ ფრანგი ფორვარდის დარეგისტრირება ვერ ხერხდება, მიუხედავად იმისა, რომ მან უკვე სამედიცინო შემოწმება გაიარა და ორი დღეა, რაც ტურინშია.
პსჟ მუშაობს პრობლემის მოგვარებაზე, რომელიც შეიძლება დღესვე მოაგვაროს. მხარეები ამ ეტაპზე არსებული სიტუაციით მშვიდად არიან და სავარაუდოდ, გარიგება არ ჩაიშლება.
შეგახსენებთ, რომ რანდალ კოლო მუანის დამატებაზე კლუბები შეთანხმებული არიან და ფრანგი „იუვეს“ სეზონის ბოლომდე იჯარით უნდა შეუერთდეს.
