ლონდონის „არსენალი“ ნახევარდაცვის ხაზის გაძლიერებას გეგმავს. შედეგად, „რომას" ნახევარმცველი და კაპიტანი ლორენცო პელეგრინი „მეთოფეების" სავარაუდო ახალწვეულების სიაში მოხვდა. იტალიელით პირადად გუნდის მთავარი მწვრთნელი მიკელ არტეტა დაინტერესდა - წერს La Repubblica.

აღსანიშნავია, რომ პელეგრინის „ინტერი“ და „ნაპოლიც“ უთვალთვალებენ. ლორენცოს შესაძენად „არსენალს“ კონკურენცია მოუწევს სერია A-ს გიგანტებთან. ნახევარმცველს რომაელ „მგელებთან" მოქმედი კონტრაქტი 2026 წლამდე აკავშირებს.