იტალიის სერია A-ს მეოცე ტურში „ემპოლი“ საკუთარ მოედანზე უშუალო კონკურენტ „ლეჩესთან“ 1:3 დამარცხდა.
რობერტო დ’ავერსას გუნდი საწყის 11 წუთში ორი ბურთით ჩამორჩა, ტეტე მორენოს და ნიკოლა კრსტოვიჩის გოლებით, ხოლო შემდეგ სიტუაცია ვერ შეცვალა. მეორე ტაიმის დასაწყისში მასპინძლებმა ერთი გოლი გაქვითეს, თუმცა მსაჯის მიერ კომპენსირებულ დროში კრსტოვიჩმა დუბლი შეასრულა და საბოლოო ანგარიში დააფიქსირა.
საბა გოგლიჩიძემ შეუცვლელად ითამაშა, საწყისი 20 წუთი სამკაციან დაცვაში მარჯვენა ცენტრალური მცველი იყო, ხოლო 21-ე წუთიდან, როცა ტრავმის გამო მოედანი არდიან ისმაილიმ დატოვა, საბამ ცენტრში გადაინაცვლა. 20 წლის ქართველ მცველს სერია A-ს მიმდინარე სეზონში 17 მატჩი აქვს ჩატარებული.
„ემპოლიმ“ ბოლო 5 ტურში მხოლოდ ქულა მოიპოვა და 20 ქულით მე-13 ადგილზე დაეშვა, მომდევნო მატჩს კი, 19 იანვარს, სტუმრად „ინტერთან“ გამართავს.
