„ნაპოლის“ და „პარი სენ-ჟერმენს“ შორის ხვიჩა კვარაცხელიას ტრანსფერზე მუშაობა გრძელდება.

შეთანხმება ჯერ მიღწეული არაა, მაგრამ მოლაპარაკებები წარმატებით მიმდინარეობს. როგორც Corriere Dello Sport-ი იტყობინება, მომავალ კვირაში შეიძლება გარიგება დაიხუროს.

პსჟ „ნაპოლის“ ამჟამად 70 მილიონ ევროს სთავაზობს და მზადაა გარიგებაში მარკო ასენსიო ან მილან შკრინიარი ჩართოს, თუმცა, იტალიელებს მხოლოდ ფული სურთ - მინიმუმ 80 მილიონი ევრო და არ უნდათ გარიგებაში რომელიმე ფეხბურთელის ჩართვა.

შეგახსენებთ, რომ ხვიჩა კვარაცხელია „ნაპოლიში“ 2022 წელს გადავიდა და მას შემდეგ 107 მატჩში 30 გოლი გაიტანა, ხოლო 24-ჯერ საგოლე პასი მიითვალა. მან 2023 წელს სკუდეტო მოიგო, სერია A-ში 2022-2023 წლების სეზონის საუკეთესო ფეხბურთელი, ხოლო ჩემპიონთა ლიგაზე საუკეთესო ახალგაზრდა ფეხბურთელი გახდა.