ტურინის „იუვენტუსი“ შესაძლოა, დუგლას ლუისმა დატოვოს. ბრაზილიელი ნახევარმცველი გუნდში ხელშეუხებელი ფეხბურთელი არ არის.

ლუისი „იუვენტუსმა“ ზაფხულში „ასტონ ვილადან“ დიდი მოლოდინით 51 მილიონ ევროდ შეიძინა, მაგრამ მან დღემდე ვერ შეძლო ძირითად შემადგენლობაში დამკვიდრება და 13 უგოლო მატჩი ჩაატარა.

ბრაზილიელს პრემიერლიგაში დაბრუნების ვარიანტი აქვს, სადაც ლონდონის „ფულჰემი“ და „ნოტინგემ ფორესტი“ არიან დაინტერესებული. „იუვე“ კი, მზადაა სასურველი შეთავაზების შემთხვევაში ის გაყიდოს. ხსენებული კლუბების გარდა, ბრაზილიელი "ასტონ ვილას", "მანჩესტერ სიტის" და "ტოტენჰემსაც" დაუკავშირეს.

დუგლას ლუისს აქამდე „ვასკო და გამაში“, „ჟირონაში“, „მანჩესტერ სიტისა“ და „ასტონ ვილაშიც“ უთამაშია.