„ლევანტემ“ ლა ლიგა 2-ის მე-14 ტურის გადადებულ შეხვედრაში სტუმრად „ტენერიფე“ 3:0 დაამარცხა და მნიშვნელოვანი გამარჯვება მოიპოვა.
პირველი ტაიმი უგოლოდ დასრულდა, მეორე ნახევარში კი, ვალენსიელებმა მეტოქეს ყველა კომპონენტში აჯობეს და სამი უპასუხო გოლი გაუტანეს. ტრავმის შემდეგ გიორგი ქოჩორაშვილი დაბრუნდა, რომელმაც შეუცვლელად ითამაშა. ქართველს მცირე ტრავმა ჰქონდა და წინა შეხვედრაში მონაწილეობა ვერ მიიღო. ქოჩორაშვილის აქტივში მიმდინარე სეზონში 4 გოლი და 3 საგოლე პასია ლა ლიგა 2-ში.
„ლევანტე“ 35 ქულით მეხუთე ადგილზეა, მომდევნო ტურში კი, 12 იანვარს, „კადისს“ სტუმრად დაუპირისპირდება.
