ინგლისის ლიგის თასის პირველ ნახევარფინალში „ნიუკასლმა“ ლონდონში „არსენალი“ 2:0 დაამარცხა და ფინალისკენ დიდი ნაბიჯი გადადგა.

ედი ჰაუს გუნდი შესანიშნავ ფორმაშია, რაც კიდევ ერთხელ დაამტკიცა. „ჯორდებმა“ მეტოქეს ორი უპასუხო გოლი გაუტანეს. პირველი ტაიმის მიწურულს ანგარიში ახლო მანძილიდან ალექსანდერ ისაკმა გახსნა, ხოლო მეორე ნახევრის დასაწყისში სხვაობა ენტონი გორდონმა გაზარდა და შემდეგ არაფერი შეცვლილა.

საპასუხო შეხვედრა „სენტ ჯეიმს პარკზე“ გაიმართება და „ნიუკასლი“ ძალიან ახლოსაა ფინალთან. მეორე ნახევარფინალურ წყვილში ლონდონის „ტოტენჰემი“ და „ლივერპული“ დაუპირისპირდებიან.