ვეტერანმა იტალიელმა ფეხბურთელმა და „ნაპოლიში“ ხვიჩა კვარაცხელიას ტრანსფერის შუამავალმა, კრისტიან ძაკარდომ იტალიურ მედიასთან ქართველ ფეხბურთელზე ისაუბრა.
როგორც მან თქვა, მომავალი კვარაცხელიას მხარესაა და მას უფრო მეტი შეუძლია, ვიდრე აქამდე აჩვენა.
„რა თქმა უნდა, ველოდი, რომ პირველივე სეზონში ისეთი გავლენა ექნებოდა, როგორიც ჰქონდა, ვიცნობდი მის შესაძლებლობებს. იტალიაში თავიდანვე ძალიან კარგად ითამაშა და მომავალიც მის მხარესაა.
ის 23 წლის ბიჭია, იტალიაში ჩამოსვლისთანავე სკუდეტო მოიგო და სეზონის საუკეთესო ფეხბურთელი გახდა. გასულ სეზონში ყველამ ვნახეთ, რომ „ნაპოლის“ რთული სეზონი ჰქონდა. ამ სეზონის წინ გუნდში დიდი მწვრთნელი მოვიდა, როგორიც კონტეა. კვარამაც კარგად ითამაშა, მეტიც შეუძლია და იმედი მაქვს, რომ კონტეს ხელში მოუმატებს, მომავალი მისია, შესანიშნავ გუნდში თამაშობს. ვფიქრობ, თავს კარგად გრძნობს და ვნახოთ, რა მოხდება. მთავარია, რომ ის კარგად თამაშობს და „ნაპოლიც“ ახერხებს მატჩების მოგებას.
კონტრაქტის განახლება? ეს მასზე და კლუბზეა დამოკიდებული“, - თქვა ძაკარდომ.
