„ნაპოლი“ „ლივერპულიდან“ ფედერიკო კიეზას გადაბირებით დაინტერესებულია. ამის შესახებ Foot Mercato იტყობინება.
მიუხედავად იმისა, რომ კიეზამ სეზონის პირველ ნახევარში „ლივერპულში“ მოლოდინი ვერ გაამართლა, ინგლისურ კლუბს მაინც არ სურს ამ ეტაპზე მისი გაყიდვა და მხოლოდ განათხოვრებაზეა თანახმაა. ცნობილია, რომ იტალიელი აგენტი ფალი რამადანი მთავარ მწვრთნელს, არნე სლოტს შეხვდა და ფეხბურთელის მომავალზე ესაუბრა.
„ნაპოლიში“ კიეზას ტრანსფერი ანტონიო კონტეს სურს, რომელსაც ფეხბურთელი დიდი ხანია მოსწონს. ნეაპოლელებმა შეიძლება ინგლისელებთან იჯარაზე მუშაობა დაიწყო. აღსანიშნავია, რომ კიეზა ხვიჩა კვარაცხელიას პოზიციაზე თამაშობს.
ფედერიკო კიეზა „ლივერპულმა“ ზაფხულში 13 მილიონ ევროდ იყიდა, მაგრამ მან ინგლისურ გრანდში დღემდე მხოლოდ 4 მატჩი ჩაატარა და 1 საგოლე პასი გააკეთა. მანამდე კიეზა ტურინის „იუვენტუსსა“ და ფლორენციის „ფიორენტინაში“ თამაშობდა.
