„ნაპოლიში“ დავიდ ნერეში შესანიშნავად თამაშობს და ახლა გუნდის ფანები მოითხოვენ, რომ ის ყოველთვის ძირითად შემადგენლობაში იყოს.

ნერეში ხვიჩა კვარაცხელიას და მატეო პოლიტანოს კონკურენტია, რადგან ორივე ფლანგზე შეუძლია თამაში. „ფიორენტინასთან“ გოლის შემდეგ კი, „ნაპოლის“ ფანები აღფრთოვანებული არიან და სოციალურ ქსელში მის შესახებ ასეთი კომენტარები დაწერეს:

„ის ნამდვილი ელვაა, გადამწყვეტი ფეხბურთელი“.
"კარეკას შემდეგ არ მინახავს ბრაზილიელი, რომელსაც „ნაპოლიში“ ასეთი გოლი გაეტანოს“.
„წარმოუდგენელი სიგიჟე! მეგონა, რომ გოლის გატანა შეუძლებელი იყო“.
„ფეხბურთი დავიდ ნერეშის გარეშე ვერ წარმომიდგენია“.
„უკვე დროა, კვარასა და პოლიტანოს შორის ერთ-ერთი სკამზე დაჯდეს, ნერეში საოცარ ფორმაშია და აბსოლუტურად ფუნდამენტური ფეხბურთელია ამ გუნდისთვის“.
„სუფთა ტალანტი, როგორც იქნა, ვნახეთ „ნაპოლიში“ ბრაზილიელი, რომელიც თავის რეპუტაციას ამართლებს“.

აქვე გეტყვით, რომ დავიდ ნერეშმა მიმდინარე სეზონში „ნაპოლის“ მაისურით 19 მატჩში 3 გოლი გაიტანა და 7 საგოლე პასი გააკეთა. მას ჯამში სულ რაღაც 728 წუთი აქვს ნათამაშები.