„მანჩესტერ სიტის“ მთავარმა მწვრთნელმა პეპ გვარდიოლამ „ვესტ ჰემთან“ პრემიერლიგის მე-20 ტურის მატჩის შედეგი შეაჯამა (4:1).
„მატჩი მოვიგეთ, მაგრამ მაინც არ ვართ სასურველ ფორმაში, თუმცა ეს წარმატება დაგვეხმარება. რამდენიმე კარგი მომენტი შევქმენით. აქ რვა წელია ვარ, ვუცქერ გუნდს და ეს ვითარება ჩვენს სტანდარტებს არ შეესაბამება. მიუხედავად ამისა, უნდა ვიპოვოთ საკუთარი ტემპი და თამაში.“ - ციტირებს გვარდიოლას სიტყვებს BBC.
20 მატჩის შემდეგ „მანჩესტერ სიტი“ პრემიერლიგის სატურნირო ცხრილში მეექვსე ადგილზეა, 34 ქულით. მომდევნო ტურში პეპ გვარდიოლას შეგირდები „ბრენტფორდს“ დაუპირისპირდებიან.
