„ნაპოლის“ ლონდონის „ჩელსის“ ცენტრალური მცველის, რენატო ვეიგას დამატება სურს. ამის შესახებ ინფორმაცია ფაბრიციო რომანომ გაავრცელა.
წყაროს თანახმად, ნეაპოლელები პორტუგალიელის იჯარაზე „ჩელსის“ დაუკავშირდნენ, თუმცა სხვა კლუბებიც არიან დაინტერესებული. მიუხედავად იმისა, რომ ენცო მარესკა ვეიგას მეტ-ნაკლებად მნიშვნელოვან ფეხბურთელად განიხილავს, „ჩელსიმ“ მიმდინარე სატრანსფერო ბაზარზე შეიძლება ის გაანათხოვროს.
რენატო ვეიგამ მიმდინარე სეზონში ყველა ტურნირზე ჩატარებულ 17 მატჩში 2 გოლი გაიტანა. პორტუგალიელს მანამდე „აუგსბურგსა“ და „ბაზელში“ უთამაშია.
