იტალიის სერია B-ში დეკემბრის საუკეთესო გოლად გიორგი კვერნაძის გოლი დასახელდა. ინფორმაციას ლიგის ვებგვერდი ავრცელებს.
„ფროზინონეს“ ქართველმა შემტევმა დეკემბერში „სალერნიტანას“ გაუტანა ეფექტური გოლი, როცა ბურთი საკუთარ ნახევარზე მოიპოვა და მეტოქის საჯარიმომდე ვერავინ შეაჩერა, მერე კი, ზუსტად დაარტყა.
ეს კვერნაძის სადებიუტო და ჯერჯერობით ერთადერთი გოლია „ფროზინონეს“ მაისურით (ოფიციალურ მატჩებში).
