ვეტერანმა ფრანგმა ფეხბურთელმა ადილ რამიმ კრიშტიანუ რონალდუს უპასუხა და აღნიშნა, რომ პორტუგალიელს ლიგა 1-ში რომ ეთამაშა, მცველები შეჭამდნენ.

მოგეხსენებათ, რონალდუმ აღნიშნა, რომ საუდის არაბეთის ჩემპიონატი უფრო მაღალი დონისაა, ვიდრე საფრანგეთის ლიგა 1 და საფრანგეთში პსჟ-ს გარდა სრული სიცარიელეა.

„ის ილუზიებშია. მხოლოდ იმიტომ, რომ მას გიჟური კარიერა აქვს, არ ნიშნავს, რომ სიმართლეს ამბობს. ვფიქრობ, ეს მხოლოდ სარეკლამო ტრიუკი იყო. საფრანგეთში მხოლოდ „პარი სენ-ჟერმენია“? სცადოს „მონაკოს“, „ლილის“ ან „მარსელის“ წინააღმდეგ თამაში თავისი „ალ-ნასრით“, ეთამაშონ პატარა არაბული კლუბები „ბრესტს“... ჩვენი ქვეყანა ყველაზე დიდი ფეხბურთელების ქარხანაა მსოფლიოში, ბრაზილიის ტოლფასი, საუკეთესო მცველები გვყავს, რონალდუ ორი წელი საფრანგეთის ლიგა 1-ში რომ ყოფილიყო, აქ მცველები შეჭამდნენ. მე რონალდუს ფანი ვარ, მაგრამ დიდი შეცდომა დაუშვა, როცა თქვა, რომ საუდის არაბეთის ჩემპიონატი საფრანგეთის ჩემპიონატს სჯობს“, - აღნიშნა ფრანგმა.