წყალტუბოს "სამგურალმა” ქუთაისის "ტორპედოდან” 32 წლის გამოცდილი მარცხენა მცველი ლაშა შერგელაშვილი დაიმატა.
შერგელაშვილს ეროვნული ლიგის არაერთ კლუბში უთამაშია. იყო თბილისის "დინამოს”, "სამტრედიის”, ბათუმის "დინამოსა” და "თელავის” ფეხბურთელი. 2017 დან 2020 წლამდე თამაშობდა უცხოეთში, საბერძნეთისა და ლატვიის ჩემპიონატებში. შერგელაშვილი ბოლო სამი წლის განმავლობაში ქუთაისის "ტორპედოს” ღირსებას იცავდა.