NBA-ს მორიგი ტურის შეხვედრები გაიმართა, სადაც გოგა ბითაძის "ორლანდო მეჯიქმა" საკუთარ მოედანზე "მაიამის" უმასპინძლა და დრამატულ შეხვედრაში 88:89 დამარცხდა.

გოგა ბითაძემ მორიგი კარგი მატჩი ჩაატარა, მან პარკეტზე გატარებულ არასრულ 33 წუთში: 10 ქულის, 14 მოხსნის, 2 შედეგიანი გადაცემის, 3 ჩაჭრის და 3 დაფარების გაკეთება მოახერხა.

აღსანიშნავია, რომ "ორლანდო" მთელი შეხვედრის განმავლობაში იგებდა და გადამწყვეტი ბოლო მეოთხედის ბოლო წუთები იყო, სადაც "მაიამმა" ბოლო წამებზე ჩაგდებული ორქულიანით მოიგო.

"ორლანდოს" 19 მოგება და 13 მარცხი აქვს და აღმოსავლეთ კონფერენციაში მე-4 ადგილს იკავებს. შემდეგ შეხვედრას ქართველი კალათბურთელის გუნდი 28 დეკემბერს გამართავს, სადაც ნიუ იორკ "ნიქსს" უმასპინძლებს.