მადრიდის „რეალის" გარემარბმა ვინისიუს ჟუნიორმა მოკლედ მიულოცა ყველას შობა და მაიამიში დასვენების ფოტოები გამოაქვეყნა სოციალურ ქსელში, მათ შორის ფოტო ყველა თასით.

„გილოცავთ შობას!", - დაწერა ვინისიუსმა ფოტოს ქვეშ.

მანამდე „რეალისა" და ბრაზილიის ნაკრების 24 წლის თავდამსხმელი ვინისიუსი ფიფას The Best ცერემონიაზე 2024 წლის საუკეთესო ფეხბურთელად დაასახელეს.

2024 წლის ოქტომბერში, ვინისიუსი, რომელიც პრესტიჟული „ოქროს ბურთის“ გამოკითხვაში ფავორიტად ითვლებოდა, მეორე ადგილზე გავიდა, „მანჩესტერ სიტის“ ესპანელი ნახევარმცველის, როდრის შემდეგ.