მილანის „ინტერის" პრეზიდენტმა ჯუზეპე მაროტამ გუნდის მთავარი მწვრთნელის, სიმონე ინძაგის მიმართ დამოკიდებულებაზე ისაუბრა.
„სიმონმა დაამტკიცა, რომ არის შესანიშნავი პროფესიონალი და ძალიან ინტელექტუალური ადამიანი. ის მოვიდა ჩუმად, ხმაურის გარეშე, ადაპტირდა და შესამჩნევად გაიზარდა ამ ძალიან მნიშვნელოვან როლში. ერთ-ერთი მთავარი ასპექტია იმის აღიარება, რომ ის გუნდის ლიდერია, რომელიც გამარჯვების სულისკვეთებას ნერგავს“, - ციტირებს მაროტას სიტყვებს Mundo Deportivo.
იტალიელი სპეციალისტი „ინტერის" მთავარი მწვრთნელი 2021 წლის ივლისიდანაა. 2024 წლის ზაფხულში კლუბმა მთავარ მწვრთნელთან კონტრაქტი 2026 წლამდე გაახანგრძლივა. მიმდინარე სეზონში „ინტერი“ იტალიის სერია A-ში მესამე ადგილზეა. გუნდმა 16 მატჩში 37 ქულა მოაგროვა.
