„პარი სენ-ჟერმენი“ „ასტონ ვილას“ თავდამსხმელის ჯონ დიურანის შეძენას გეგმავს. 21 წლის კოლუმბიელი ზამთრის სატრანსფერო ფანჯრისთვის პარიზელების პრიორიტეტული სამიზნეა, იუწყება ჟურნალისტი ეკრემ კონური.
პსჟ გეგმავს რენდალ კოლო მუანის გაყიდვას და მის ნაცვლად ახალი ფორვარდის შეძენას. ჯონმა მიიპყრო პარიზელი სკაუტების ყურადღება ამ სეზონში თავისი მუდმივად მაღალი ხარისხის თამაშით.
მიმდინარე სეზონში დიურანმა ყველა ტურნირზე 25 მატჩში მიიღო მონაწილეობა, რომლებშიც 12 გოლი გაიტანა. ფეხბურთელის ამჟამინდელი კონტრაქტი კლუბთან 2030 წლის ზაფხულამდეა ძალაში.
