ქართველმა ფეხბურთელმა გიორგი გულიაშვლმა „სარაევოსთან“ კონტრაქტი 2028 წლის ზაფხულამდე გაახანგრძლივა.

აღსანიშნავია, რომ ეს მაშინ მოხდა, როცა ქართველს სხვადასხვა კლუბს უკავშირებენ. თუმცა, ბოსნიელებს, როგორც ჩანს, მისი შენარჩუნება სურთ:

„მოხარული ვარ, რომ „გული“ „სარაევოში“ რჩება, კლუბში, რომელსაც დიდი ამბიცია აქვს და სწორ გზაზე დგას. დარწმუნებული ვარ, ის სხვა ფეხბურთელებთან ერთად დიდ წვლილს შეიტანს „სარაევოს“ წარმატებებში“, - თქვა ბოსნიური კლუბის მთავარმა მწვრთნელმა ზორან ზეკიჩმა.

შეგახსენებთ, რომ გიორგი გულიაშვილს ბოსნიის ჩემპიონატის მიმდინარე სეზონში 17 მატჩში 12 გოლი აქვს გატანილი და 4-ჯერ საგოლე პასით გამოირჩა, ის ბომბარდირთა დავაში ლიდერია.