„მანჩესტერ სიტის“ მთავარმა მწვრთნელმა პეპ გვარდიოლამ ერლინგ ჰოლანდის შესახებ კომენტარი გააკეთა. როგორც მან თქვა, თუ ნორვეგიელი ძველებურად შედეგიანი აღარ არის, ეს გუნდის ბრალია.

„როდესაც ერლინგი პროდუქტიული იყო, ეს მთელი გუნდის დამსახურება გახლდათ. ჩვენთვის ძალიან მნიშვნელოვანი ფეხბურთელია და მომავალშიც იქნება, ის უკეთესად უნდა გამოვიყენოთ. თუმცა, ახლა, ბევრი, დიდი თუ პატარა მიზეზებით ძველებურად ეფექტურები ვეღარ ვართ“, - თქვა გვარდიოლამ.

შეგახსენებთ, რომ ერლინგ ჰოლანდს მიმდინარე სეზონში 24 მატჩში 18 გოლი აქვს გატანილი, თუმცა 7 დეკემბრის შემდეგ უგოლოდაა.