ინგლისის პრემიერლიგის მე-17 ტურში „მანჩესტერ იუნაიტედმა“ „ბორნმუთს“ უმასპინძლა და კიდევ ერთი მარცხი განიცადა.

„წითელ ეშმაკებში“ სიტუაციას ვერც რუბენ ამორიმი ასწორებს, ვერც იმან გამოასწორა განწყობა, რომ ერთი კვირის წინ მათ მანჩესტერული დერბი მოიგეს. „ალუბლებმა“ „ოლდ ტრაფორდზე“ სამი უპასუხო გოლი გაუტანეს „მანჩესტერს“ და 3:0 მოიგეს!

„მანჩესტერ იუნაიტედი“ 17 ტურში მოპოვებული 22 ქულით მხოლოდ და მხოლოდ მე-13 ადგილზეა, სამაგიეროდ, „ბორნმუთს“ 28 ქულა აქვს და მეხუთე საფეხურზეა. ზოგადად, პრემიერლიგაში ექვსეულში არიან „ბორნმუთი“, „ნოტინგემი“ და „ასტონ ვილა“.

დღესვე, მნიშვნელოვანი ქულები დაკარგა „ჩელსიმ“, რომელიც სტუმრად „ევერტონს“ უგოლოდ დაუზავდა და ამან „ლივერპულის“ წისქვილზე დაასახა წყალი. „ჩელსი“ 35 ქულით მეორე ადგილზეა და ლიდერ „ლივერპულს“ ქულით ჩამორჩება, მაგრამ ორი თამაშით მეტიც აქვს ჩატარებული. კიდევ ორი მატჩი იყო პრემიერლიგაში: „ფულჰემი“ და „საუთჰემპტონი“ უგოლოდ დაზავდნენ, ხოლო „ვულვზმა“ სტუმრად „ლესტერს“ 3:0 აჯობა და უმნიშვნელოვანესი ქულები მოიპოვა.