21 დეკემბერს, ლონდონის „არსენალმა“ პრემიერლიგის მე-17 ტურის მატჩში სტუმრად „კრისტალ პალასი“ ანგარიშით 5:1 დაამარცხა. ეს გასვლითი მატჩი 2024 წელს მეექვსე იყო „მეთოფეებისთვის“ ყველა შეჯიბრში, რომელშიც მათ ხუთი ან მეტი გოლი გაიტანეს. ეს არის საუკეთესო შედეგი ისტორიაში ერთი კალენდარული წლის განმავლობაში ინგლისის ელიტარული დივიზიონის კლუბებს შორის.

შეგახსენებთ, რომ „მეთოფეებს“ არ წაუგიათ 6 ნოემბრის შემდეგ, როდესაც ჩემპიონთა ლიგის მატჩში სტუმრად 0:1 დამარცხდნენ „ინტერთან.“

„არსენალმა“ 33 ქულა დააგროვა და ინგლისის ჩემპიონატის სატურნირო ცხრილში მესამე ადგილზეა, ლიდერ „ლივერპულს“ სამი ქულით ჩამორჩება, მაგრამ მერსისაიდელებმა ორი მატჩით ნაკლები ჩაატარეს.