ინგლისის ჩემპიონშიფის 22-ე ტურში გიორგი ჩაკვეტაძის „უოტფორდი“ „ბარნლის“ ესტუმრა და მარცხი განიცადა - 1:2.
„ბარნლიმ“ ორბურთიანი უპირატესობა მოიპოვა და გამარჯვება არ გასჭირვებია. სტუმრებმა მატჩის მიწურულს შეამცირეს სხვაობა. ჩაკვეტაძემ შეუცვლელად ითამაშა, თუმცა თავის გუნდს მარცხი თავიდან ვერ აარიდებინა.
ქართველ ნახევარმცველს მიმდინარე სეზონში ყველა ტურნირზე ჩატარებულ 22 მატჩში 1 გოლი აქვს გატანილი, 5-ჯერ საგოლე პასი მიითვალა.
„უოტფორდი“ 34 ქულით მე-7 ადგილზეა, ხოლო მომდევნო ტურში 26 დეკემბერს, „პორთსმუთს“ ესტუმრება.
