„მანჩესტერ სიტის“ მთავარმა მწვრთნელმა პეპ გვარდიოლამ განაცხადა, რომ მიმდინარე სეზონში მისი გუნდი ტიტულებისთვის ვერ იბრძოლებს, რადგან ამისთვის საჭირო და საკმარისი ფეხბურთელები არ ჰყავს.

„არა, ჩვენ ვერ შევძლებთ კონკურენციას რომელიმე ტიტულისთვის ბრძოლაში მიმდინარე სეზონში, ამისთვის ფეხბურთელები არ გვყავს. ყველაფერი უფრო რთულადაა, ვიდრე თქვენ წარმოგიდგენიათ. ამჟამად არ მაქვს იმის განცდა, რომ ტიტულების მოგება შეგვიძლია. თუმცა, იქნებ, ეს საბოლოოდ მოხდეს, ვინ იცის?

მაგრამ ვფიქრობ, მოკლევადიან პერსპექტივაზე უნდა ვიფიქროთ და შორეულ მიზნებს ვერ დავისახავთ. როდესაც პრემიერლიგის ან ჩემპიონთა ლიგის მოგება გსურს, საჭიროა სტაბილურობა, ჩვენ ეს ყოველთვის გვახასიათებდა, მაგრამ ახლა ასე არ არის“, - თქვა გვარდიოლამ.

შეგახსენებთ, რომ „მანჩესტერ სიტიმ“ ყველა ტურნირზე ჩატარებული ბოლო 11 მატჩიდან 8 წააგო, მხოლოდ ერთხელ გაიმარჯვა და 2-ჯერ ფრეს დასჯერდა.