„სენტ ეტიენს“, სადაც ზურიკო დავითაშვილი თამაშობს, ახალი მთავარი მწვრთნელი ჰყავს.

„მწვანეები“ ნორვეგიელმა ეირიკ ჰორნელანდმა ჩაიბარა, რომელმაც კონტრაქტი 2027 წლის ზაფხულამდე გააფორმა.

ჰორნელანდი ნორვეგიის 19-წლამდე ნაკრებსა და „რუსენბორგში“ მუშაობდა, ბოლო 3 წელი კი, „ბრანში“ იმუშავა, რომელსაც ნორვეგიის ჩემპიონატი და ნორვეგიის თასი მოაგებიინა.

ჰორნელანდმა ოლივიე დალ’ოლიო შეცვალა, რომელიც წარუმატებელი შედეგების გამო გაათავისუფლეს.

„სენტ ეტიენი“ ლიგა 1-ში 15 ტურის შემდეგ 13 ქულით მე-16 ადგილზეა და 4 იანვარს, „რეიმსს“ უმასპინძლებს, თუმცა, მანამდე 22 დეკემბერს, საფრანგეთის თასზე „მარსელს“ დაუპირისპირდება.