მანჩესტერ "იუნაიტედის" ფეხბურთელის ალეხანდრო გარნაჩოს მიმართ ინტერესს მადრიდის "ატლეტიკო" იჩენს და მისი შეძენა ზამთრის სატრანსფერო პერიოდში სურს.

აღნიშნულ ინფორმაციას Fichajes -ის ავრცელებს. მათივე თქმით აღნიშნული ტრანსფერი თავად დიეგო სიმეონემ მოითხოვა, რომელსაც თანამემამულის სათამაშო სტილი ძალიან მოსწონს.

მას შემდეგ, რაც ამორიმმა გარნაჩო მანჩესტერ "სიტისთან" მატჩის განაცხადს მიღმა დატოვა, მისი მომავალი "იუნაიტედში" ბუნდოვანი გახდა და სავსებით შესაძლებელია ამ შემოთავაზებაზე "წითელი ეშმაკების" მესვეურები ადვილად დათანხმდნენ.

შეგახსენებთ, რომ ალეხანდრო გარნაჩო მადრიდის "ატლეტიკოს" ახალგაზრდულ გუნდში თამაშობდა, საიდანაც კარიერა მანჩესტერ "იუნაიტედში" გააგრძელა. არგენტინელმა მიმდინარე პრემიერლიგის გათამაშებაში 15 მატჩში 3 გოლი და 1 შედეგიანი გადაცემა გააკეთა.