საქართველოს ნაკრები მსოფლიოს 2026 წლის ჩემპიონატის შესარჩევ ეტაპზე E ჯგუფში მოხვდა, სადაც თურქეთს, ბულგარეთს და ესპანეთი-ნიდერლანდების წყვილში გამარჯვებულს დაუპირისპირდება.

2025 წლის მარტში გაირკვევა, ვილი სანიოლის გუნდი მეტოქე ესპანეთი იქნება თუ ნიდერლანდები, ნებისმიერ შემთხვევაში, საჩუქარი არცერთია.

უკვე გაირკვა კალენდარიც. საქართველოს ნაკრები შესარჩევ ციკლს 2025 წლის 4 სექტემბერს, თურქეთთან საშინაო მატჩით დაიწყებს. აღსანიშნავია, რომ სანიოლის გუნდი ზედიზედ ორჯერ ითამაშებს საკუთარ მოედანზე საწყის ორ ტურში, რადგან თურქეთთან მატჩიდან სამ დღეში ბულგარეთს უმასპინძლებს. კალენდარი ასეთია:

I ტური - 4 სექტემბერი

საქართველო - თურქეთი
ბულგარეთი - ესპანეთი/ნიდერლანდები

II ტური - 7 სექტემბერი

საქართველო - ბულგარეთი
თურქეთი - ესპანეთი/ნიდერლანდები

III ტური - 11 ოქტომბერი

ბულგარეთი - თურქეთი
ესპანეთი/ნიდერლანდები - საქართველო

IV ტური - 14 ოქტომბერი

თურქეთი - საქართველო
ესპანეთი/ნიდერლანდები - ბულგარეთი

V ტური - 15 ნოემბერი

საქართველო - ესპანეთი/ნიდერლანდები
თურქეთი - ბულგარეთი

VI ტური - 18 ნოემბერი

ბულგარეთი - საქართველო
ესპანეთი/ნიდერლანდები - თურქეთი

შეგახსენებთ, რომ თითოეული ჯგუფის გამარჯვებული პირდაპირ გავა მუნდიალზე, ხოლო მეორეადგილოსნები (12 ნაკრები) შანსს პლეი-ოფში მიიღებენ, სადაც მათ ერთა ლიგის ოთხი საუკეთესო ნაკრები შეუერთდება, ოღონდ ის ნაკრებები, რომლებიც ჩვეულებრივ შესარჩევ ეტაპზე ჯგუფებში პირველ-მეორე ადგილებზე ვერ გავლენ. საქართველოს ერთა ლიგიდან პლეი-ოფში მოხვედრის შანსი დაკარგული აქვს, შესაბამისად, მსოფლიოს ჩემპიონატზე მოსახვედრად ჯგუფში აუცილებლად პირველ ან მეორე ადგილზე უნდა გავიდეს.