„ნაპოლის“ ფეხბურთელმა ხვიჩა კვარაცხელიამ მუხლის ტრავმა მიიღო და სავარაუდოდ, 2025 წლის იანვრამდე ვერ ითამაშებს.

ნეაპოლურ რადიოსთან ტრავმის შესახებ იტალიის ეროვნული ნაკრების ყოფილმა ექიმმა, ენრიკო კასტელაჩიმ ისაუბრა:

„კვარაცხელიას გაუმართლა, რადგან პრობლემა შეიძლებოდა უფრო სერიოზული ყოფილიყო. ვფიქრობ, რომ კონტე ფეხბურთელს მინიმუმ 3-4 კვირით დაკარგავს. თუ დაზიანება პირველი ხარისხისაა, ამას სამი ან ოთხი კვირა სჭირდება, მაგრამ თუ დაზიანება არ არის და მხოლოდ მინიმალური დაჭიმვაა, მაშინ შეიძლება უფრო მალე გამოჯანმრთელდეს“, - თქვა კასტელაჩიმ.

შეგახსენებთ, რომ ხვიჩა კვარაცხელია სავარაუდოდ „ნაპოლის“ „უდინეზეს“, „ჯენოას“ და „ვენეციას“ წინააღმდეგ ვერ დაეხმარება, ხოლო 4 იანვარს, „ფიორენტინასთან“ მატჩისთვის შეიძლება მოედანზე დაბრუნდეს.