„ლივერპულის“ მთავარმა მწვრთნელმა არნე სლოტმა ჩემპიონთა ლიგის საერთო ეტაპის სატურნირო ცხრილში თავისი გუნდის ლიდერობაზე ისაუბრა. „წითლებმა“ ხუთი მატჩიდან ხუთივე მოიგეს და 15 ქულა დააგროვეს.

„ძნელია ამაზე რაიმეს თქმა. მხოლოდ სეზონის ბოლოს გაირკვევა, სასარგებლო იყო თუ არა რომელიმე გუნდისთვის ჩემპიონთა ლიგის ლიდერობა, სასარგებლო იყო თუ არა საუკეთესო 8-ში ყოფნა.

ძირითადი შემადგენლობით ვთამაშობთ და ვცდილობთ ყველაფერი გავაკეთოთ უმაღლესი ადგილის დასაკავებლად და თუ ეს მიგვიყვანს იქამდე, რომ 1/8 ფინალში ძლიერ მეტოქეს შევხვდებით, მაშინ მომავალ სეზონში, ალბათ, სხვაგვარად ვიმოქმედებთ“, - ციტირებს სლოტის სიტყვებს „ლივერპულის“ ოფიციალური საიტი.

დღეს, 10 დეკემბერს „ლივერპული“ ჩემპიონთა ლიგის საერთო ეტაპის მე-6 ტურის მატჩში სტუმრად შეხვდება „ჟირონას. თამაში თბილისის დროით 21 საათსა და 45 წუთზე დაიწყება.