უეფას ჩემპიონთა ლიგის მე-6 ტურის „შახტართან“ მატჩამდე, „ბაიერნის“ მთავარმა მწვრთნელმა, ვენსან კომპანიმ ისაუბრა გუნდის შესაძლო ინტერესზე უკრაინელი ფეხბურთელებით, კერძოდ, „ჩელსის“ გარემარბით, მიხაილო მუდრიკით.

„სიმართლე გითხრათ, ამ თემაზე საერთოდ არ ვიყავი ორიენტირებული. მე ვიცნობ შესანიშნავ უკრაინელ ფეხბურთელებს, თქვენ ახსენეთ მუდრიკი. მაგრამ ამ საკითხებს იანვარში, სამ-ოთხ კვირაში განვიხილავთ. ასე რომ, ახლა არ მაქვს კონკრეტული პასუხი თქვენს კითხვაზე“, - თქვა კომპანიმ მატჩისწინა პრესკონფერენციაზე.

შეგახსენებთ, მუდრიკი „ჩელსიში“ სწორედ „შახტარიდან“ გადავიდა 2023 წლის იანვარში.

„შახტარისა“ და „ბაიერნის“ მატჩი დღეს , 10 დეკემბერს გაიმართება გელზენკირხენში და თბილისის დროით ღამის 12 საათზე დაიწყება.