ნიდერლანდების ერსტე დივიზიონის მე-18 ტურში არნემის „ვიტესი“ „მაასტრიხტს“ დაუზავდა (2:2), ირაკლი ეგოიანმა კი, საგოლე პასი მიითვალა.

ქართველის პასით 31-ე წუთზე ტომისლავ გუდელიმ ანგარიში გახსნა. ეგოიანს მიმდინარე სეზონში ჩატარებულ 16 შეხვედრაში 2 გოლი აქვს გატანილი, ორჯერ კი საგოლე პასით გამოიჩინა თავი.

„ვიტესს“ 16 ქულა აქვს მოპოვებული, მაგრამ ფინანსური პრობლემების გამო 27 ქულა დააკლეს, ამიტომაც, 18 ტურის შემდეგ სატურნირო ცხრილში -11 ქულით ბოლო ადგილზეა, მომდევნო ტურში კი, 13 დეკემბერს, „უტრეხტის“ მეორე გუნდს შეხვდება.