იტალიურმა „მილანმა“ ოფიციალურ ვებ-გვერდზე კლუბის 125 წლის იუბილესადმი მიძღვნილი რეტრო ფორმა წარადგინა. გუნდი პირველად ახალი ეკიპირებით 15 დეკემბერს, სერია A-ს მე-16 ტურის მატჩში „ჯენოასთან“ ითამაშებს.

„ახალი ფორმა, რომელსაც ხმა მისცეს „მილანის“ ერთგულმა გულშემატკივრებმა საინტერესო შეჯიბრების დროს, განასახიერებს მუდმივ სტილს და მილანურ სულს, რომელსაც კლუბი იცავდა 1899 წელს დაარსების დღიდან.

კლუბის დაარსების დღის აღსანიშნავად, ამ რეტრო მაისურის მხოლოდ 1,899 ცალი დამზადდება, თითოეული უნიკალური სერიული ნომრით და ექსკლუზიური შეფუთვით - ნამდვილი საკოლექციო ნივთია თავდადებული გულშემატკივრებისთვის.

ფართო ზოლის დიზაინი პირველად გამოჩნდა „როსონერის“ მაისურზე 1950-იან წლებში და მოგვიანებით გახდა კლუბის ყველაზე საკულტო საერთაშორისო გამარჯვებების სინონიმი, განსაკუთრებით 1980-იანი წლების ბოლოდან.

სამკერდე ნიშანი პატივს სცემს კლუბის პირველ ოფიციალურ გერბს, რომელიც თარიღდება მისი დაარსებით - 1899 წლით, როგორც მილანის ფეხბურთის და კრიკეტის კლუბი. ტრადიციისადმი ეს პატივისცემა ასახავს ჰერბერტ კილპინის ხედვას, რომელმაც, როგორც ინგლისელმა, თავისი კულტურული მემკვიდრეობა მოიტანა კლუბის დაარსებით.

მაისურის შიგნით გამოსახულია "დიავოლეტო" (პატარა ეშმაკი), 1980-იანი წლების „მილანის“ სიმბოლო. თან ახლავს წარწერა AC Milan 125, რომელიც აღნიშნავს ამ მნიშვნელოვან ეტაპს კლუბის ისტორიაში, - ნათქვამია „მილანის“ განცხადებაში.