„ლივერპულის“ ფეხბურთელს, მოჰამედ სალაჰს ბოლო დროს „პარი სენ-ჟერმენს“ უკავშირებენ.
თუმცა, ფრანგული კლუბის პრეზიდენტმა ანსერ ალ-ხელაიფიმ უარყო ეგვიპტელ ფეხბურთელთან მოლაპარაკებების წარმოება:
„ეს არ არის სიმართლე. ის ფანტასტიკური ფეხბურთელია, მაგრამ გულწრფელად გეტყვით, რომ სალაჰის ტრანსფერზე არასდროს გვიფიქრია. ვიცით, რომ ყველა კლუბს სურს მისი ყოლა, მაგრამ ეს ჭორები ჩვენს შესახებ უბრალოდ სიმართლე არაა“, - თქვა ალ-ხელაიფიმ.
შეგახსენებთ, რომ მოჰამედ სალაჰს „ლივერპულთან“ კონტრაქტი მიმდინარე სეზონის ბოლოს ეწურება და ჯერჯერობით, მხარეებს მის განახლებაზე შეთანხმებისთვის არ მიუღწევიათ.
