„მანჩესტერ სიტის“ მთავარმა მწვრთნელმა პეპ გვარდიოლამ „ნოტინგემ ფორესტთან“ მატჩამდე პრესკონფერენცია გამართა, სადაც სხვადასხვა თემაზე ისაუბრა.

„ტრანსფერები? ამაზე იანვარში ვისაუბრებთ. ეს დამოკიდებულია იმაზე, გუნდი იმ მომენტში რომელ პოზიციაზე იქნება. მეკარეები? ედერსონი ჩვენი ნომერი პირველია, შტეფან ორტეგა მეორე ნომერი, მაგრამ შეიძლება თამაში შტეფანმა გააგრძელოს, ვნახოთ, რა მოხდება.

ჯონ სტოუნსი ჯერ ახლოს არ არის დაბრუნებასთან. როდესაც სრული შემადგენლობა გვეყოლება, ახლოს ვიქნებით იმ დონესთან, რასაც გასულ სეზონში მივაღწიეთ“, - თქვა პეპმა.

შეგახსენებთ, რომ „მანჩესტერ სიტის“ 26 ოქტომბრის შემდეგ თამაში არ მოუგია - ყველა ტურნირზე 7 მატჩი, 1 ფრე და 6 წაგება!