ტურინის „იუვენტუსის“ მორიგი ფრე სერია A-ში. ტიაგო მოტას გუნდი მე-14 ტურში სტუმრად „ლეჩეს“ დაუზავდა.

„იუვე“ ბევრი პრობლემით ეწვია მეტოქეს, 9 ტრავმირებული ფეხბურთელით, რის გამოც სათადარიგო სკამზე მთავარი გუნდიდან მხოლოდ ორი მეკარე და მინდვრის ერთი ფეხბურთელი იყო, დანარჩენები ახალგაზრდული გუნდიდან დამატებული მოთამაშეები და უკვე ზედიზედ მესამე მატჩია „იუვენტუსი“ ამ პრობლემით თამაშობს.

„ბებერი ქალბატონი“ 68-ე წუთზე ანდრეა კამბიაზომ დააწინაურა და ახლოს იყო ნანატრ გამარჯვებასთან, მაგრამ 93-ე წუთზე გაუშვა და ფრე - 1:1.

„იუვენტუსს“ 14 ტურში არ წაუგია, მაგრამ ეს უკვე მერვე ფრე იყო, შესაბამისად, მხოლოდ 6 თამაში აქვს მოგებული და 26 ქულით სატურნირო ცხრილში მხოლოდ მეექვსე ადგილზეა, ლიდერ „ნაპოლის“ კი, უკვე 6 ქულით ჩამორჩება. ჩემპიონთა ლიგასაც თუ დავუმატებთ, „იუვეს“ სეზონში ჩატარებული 19 მატჩიდან 10 ფრე აქვს ნათამაშები (8 მოგება, 1 წაგება), ეს კატასტროფული შედეგია...