„ლესტერ სიტის“ მთავარ მწვრთნელად რუუდ ვან ნისტელროი დაინიშნა. ინფორმაცია ინგლისურმა კლუბმა ოფიციალურად დაადასტურა.

ნიდერლანდელმა „მელიებთან“ კონტრაქტი 2027 წლის ზაფხულამდე გააფორმა. „ლესტერს“ 12 ტურის შემდეგ 10 ქულით მე-16 ადგილი უკავია და მწვრთნელის შეცვლის მიზეზიც ეს გახდა.

ვან ნისტელროის აქამდე პსვ ეინდჰოვენის მთავარ მწვრთნელად აქვს ნამუშევარი, მიმდინარე სეზონში კი, „მანჩესტერში“ ერიკ ტენ ჰაგის თანაშემწე იყო, რომლის გათავისუფლების შემდეგ დროებით გუნდს ოთხ შეხვედრაშიც უხელმძღვანელა, საიდანაც „იუნაიტედმა“ 3 მოიგო (1 ფრე). სხვათა შორის, ოთხიდან ორი მატჩი „მანჩესტერმა“ ვან ნისტელროის მწვრთნელობით სწორედ „ლესტერთან“ ჩაატარა და ორივე ადვილად მოიგო - თასზე 5:2 და პრემიერლიგაში - 3:0.