MLS-ის ტურნირს გამოეთიშა საბა ლობჟანიძის „ატლანტა იუნაიტედი“, რომელიც მეოთხედფინალში სტუმრად „ორლანდოს“ დაუპირისპირდა და მინიმალური სხვაობით 1:0 დამარცხდა.

ქართველმა ფეხბურთელმა შეხვედრა ტრადიციულად ძირითად შემადგენლობაში დაიწყო და შეუცვლელად ითამაშა.

შეგახსენებთ, რომ საბა ლობჟანიძე „ატლანტას“ ღირსებას 2023 წლიდან იცავს. მან ყველა ტურნირზე 37 შეხვედრაში მიიღო მონაწილეობა და მის ანგარიშზე 11 გოლთან ერთად 5 საგოლე გადაცემაა.