ნიდერლანდელმა მწვრთნელმა, რუდ ვან ნისტელროიმ, შესაძლოა გერმანიის ბუნდესლიგა II- ში მოასპარეზე „ჰამბურგი“ ჩაიბაროს.

აღნიშნულ ინფორმაციას ჟურნალისტი ფლორიან პლეტენბერგი ავრცელებს. მისი თქმით გერმანულ კლუბსა და ნისტელროის შორის კომუნიკაცია უკვე შედგა და მხარეები მოლაპარაკებების რეჟიმში არიან.

Sky Sport- ის ჟურნალისტის ცნობით, „ჰამბურგმა“ მთავარი მწვრთნელის პოსტიდან სტეფენ ბაუმგარტი არასათანადო შედეგების გამო უკვე დაითხოვა.

შეგახსენებთ, რომ ნიდერლანდელი სპეციალისტი საფეხბურთო კარიერის დროს „ჰამბურგის“ ღირსებას 2010-2011 წლების სეზონში იცავდა, მან გერმანული კლუბის მაისურით 36 შეხვედრაში 12 გოლის გატანა მოახერხა.