ინგლისის პრემიერლიგის მე-12 ტურში „მანჩესტერ იუნაიტედმა“ „იფსვიჩს“ ვერ მოუგო, შესაბამისად, რუბენ ამორიმის სტარტი არც ისე კარგი გამოვიდა.
„წითელი ეშმაკები“ მეორე წუთზე დაწინაურდნენ მარკუს რაშფორდის გოლით, მაგრამ ტაიმის მიწურულს გაუშვეს და ფრე - 1:1. მეორე ნახევარში არაფერი შეცვლილა, გუნდებმა ქულები გაიყვეს.
ეს ქულა „იფსვიჩისთვის“ ბევრს ნიშნავს, „მანჩესტერზე“ იმავეს ნამდვილად ვერ ვიტყვით, რადგან მხოლოდ და მხოლოდ მე-12 ადგილზეა.
რუბენ ამორიმს ბევრი სამუშაო აქვს, რომ „მანჩესტერ იუნაიტედი“ კრიზისიდან გამოიყვანოს.
