უზბეკეთის ჩემპიონატის ბოლოსწინა, 25-ე ტურში თომა ტაბატაძემ გოლი გაიტანა. „ნავბაჰორის“ ქართველმა ფეხბურთელმა „კიზილკუმის“ წინააღმდეგ გამოიჩინა თავი.

ტაბატაძემ 71-ე წუთზე გიორგი ნიქაბაძე შეცვალა, ხოლო 87-ე წუთზე მეტოქის კარი დალაშქრა. თომას მიმდინარე სეზონში 10 გოლი აქვს გატანილი. „კიზილკუმში“ აკაკი შულაიამ 90 და გიორგი კუხიანიძემ 45 წუთი ითამაშა.

„ნავბაჰორი“ 42 ქულით მესამე ადგილზეა, „კიზილკუმი“ 27 ქულით მეცხრე პოზიციას იკავებს. უზბეკეთის ჩემპიონატის დასრულებამდე ერთი ტურია დარჩენილი, ჩემპიონი უკვე გახდა „ნასაფი“, სადაც ჯაბა ჯიღაური თამაშობს.