თანამედროვე საფეხბურთო კლუბებს წარმატების მისაღწევად ბევრი ფულის დახარჯვა უწევთ, რადგან ამ ყველაფრის გარეშე წარმატების მიღწევა ფაქტობრივად წარმოუდგენელია.

ცნობილი გამოცემა Goal.com-მი ავრცელებს 25 ყველაზე ძვირადღირებულ ფეხბურთელების სიას, რომლებშიც კლუბებმა ყველაზე მეტი ფული გადაიხადეს.

25. ჰარი მაგუაიერი - ინგლისელი ცენტრალური მცველი 2019 წელს მანჩესტერ „იუნაიტედმა“ 72 მილიონ ევროდ „ლესტერიდან“ შეიძინა.

24. ჯეიდონ სანჩო - მანჩესტერ „იუნაიტედმა“ მის სანაცვლოდ „დორტმუნდის ბორუსიას“ 2021 წელში 73 მილიონი ევრო გადაუხადა.

23. რომელუ ლუკაკუ - ბელგიელი ფორვარდი „წითელი ეშმაკების“ რიგებს 2017 წელს 75 მილიონი ევროს სანაცვლოდ „ევერტონიდან“ შეუერთდა.

22. გონსალო იგუაინი - 2016 წელს ტურინის „იუვენტუსმა“ 75,5 მილიონი ევროს სანაცვლოდ "ნაპოლიდან" იყიდა .

21. ნეიმარი - ბრაზილიელი შემტევი 2023 წელს 77,5 მილიონი ევროს სანაცვლოდ გადაბარგდა საუდის არაბეთში, კერძოდ „ალ-ჰილალში“.

20. იოშკო გვარდიოლი - ხორვატი ცენტრალურ მცველში "მანჩესტერ "სიტიმ“ 78 მილიონი ევრო გადაიხადა.

19. კრიშტიანუ რონალდუ - პორტუგალიელი სუპერვარსკვლავი 2009 წლის ზაფხულში მადრიდის „რეალში“ 80 მილიონი ევროს სანაცვლოდ გადავიდა.

18. ანტონი - მანჩესტერ "იუნაიტედმა“ 2022 წელს 81 მილიონად შეიძინა „აიაქსიდან“.

17. ჰარი კეინი - მიუხენის „ბაიერნმა“ 2023 წელს გაიფორმა 82 მილიონ ევროდ.

16. გარეთ ბეილი - მადრიდის „რეალს“ მისი შეძენა 85 მილიონი ევრო დაუჯდა.

15. ჯუდ ბელინგემი - ინგლისელი ნახევარმცველი „სამეფო კლუბში“ 88,5 მილიონი ევროს სანაცვლოდ "დორტმუნდის ბორუსიადან" გადავიდა.

14. პოლ პოგბა - „მანჩესტერ იუნაიტედმა“ 89 მილიონი ევრო გადაიხადა ფრანგ ნახევარმცველში.

13. ედენ აზარი - ბელგიელი შემტევის სანაცვლოდ მადრიდის "რეალმა“ 89,5 მილიონი ევრო გადაიხადა.

12. უსმან დემბელე - „ბარსელონას“ 2017 წელს მისი შეძენა 97 მილიონი ევრო დაუჯდა.

11. რომელუ ლუკაკუ - მის ტრანსფერში ლონდონის „ჩელსიმ“ 97.5 მილიონი ევრო გადაიხადა.

10. კრიშტიანუ რონალდუ - ტურინის „იუვენტუსმა“ მის სანაცვლოდ მადრიდის „რეალს“ 99 მილიონი ევრო გადაუხადა.

9. დეკლან რაისი - ლონდონის „არსენალს“ ინგლისელი ნახევარმცველის სანაცვლოდ 100 მილიონი ევროს გადახდა მოუწია.

8. მოისეს კაისედო - „ჩელსმა“ მის სანაცვლოდ 100,5 მილიონი ევრო გადაიხადა.

7. ჯეკ გრილიში - მის სანაცვლოდ მანჩესტერ "სიტიმ“ 2021 წლის ზაფხულში 101 მილიონი ევრო გადაიხადა.

6. ენცო ფერნანდესი - 2023 წლის ზაფხულში „ჩელსის“ მის გაფორმება107 მილიონი დაუჯდა.

5. ანტუან გრიზმანი - კატალონიის „ბარსელონამ“ ფრანგ ფეხბურთელში 2019 წელს 107 მილიონი ევრო გადაიხადა.

4. ფილიპე კოუტინიო - ბრაზილიელი ფეხბურთელი „ბარსელონას“ რიგებს 108 მილიონი ევროს სანაცვლოდ 2018 წელს შეუერთდა.

3. ჟოაო ფელიქსი - მადრიდის „ატლეტიკომ“ პორტუგალიელი ფეხბურთელის სანაცვლოდ 113 მილიონი გადაიხადა.

2. კილიან მბაპე - ფრანგი სუპერვარსკვლავის სანაცვლოდ „პსჟ“-მ 2017 წელს 166 მილიონი ევრო გადაიხადა.

1. ნეიმარი - ბრაზილიელის ტრანსფერი ყველაზე ძვირადღირებულია, „პსჟ“-მ მის სანაცვლოდ კატალონიის „ბარსელონასთვის “ 2017 წელს 198 მილიონი ევროს გადახდა მოუწია.