საფრანგეთის ეროვნული ნაკრებისა და ლონდონის „ჩელსის“ შემტევმა, კრისტოფერ ნკუნკუმ ზაფხულის სატრანსფერო პერიოდში შესაძლოა კლუბი შეიცვალოს და „მანჩესტერ იუნაიტედში“ გადავიდეს.

აღნიშნულ ინფორმაციას SkY Sporti-ის ჟურნალისტი ფლორიან პლეტენბერგი ავრცელებს, მისის თქმით „წითელი ეშმაკების“ მთავარ მწვრთნელს, რუბენ ამორიმს სურს ნკუნკუს თავის გუნდში ხილვა და ამის შესახებ კლუბის მესვეურებს უკვე ესაუბრა.

როგორც ირკვევა ფრანგი ფეხბურთელი „ჩელსიში“ თავს ბედნიერად არ გრძნობს, რადგან ნაკლები სათამაშო დრო ეძლევა და კლუბის შეცვლა მასაც სურს.

შეგახსენებთ, რომ კრისტოფერ ნკუნკუ „ჩელსის“ რიგებს 2023 წელს „ლაიფციგიდან“ შეუერთდა, მას „არისტოკრატების“ რიგებში ყველა ტურნირზე 17 მატჩი აქვს ჩატარებული და მის ანგარიშზე 10 გოლთან ერთად 1 პასია.