უეფას ერთა ლიგის A დივიზიონის მეხუთე ტურის მატჩები კიდევ ორ ჯგუფში გაიტანა, რომელშიც ფავორიტებმა მოიგეს.
კრიშტიანუ რონალდუ არ ჩერდება - მორიგი ორი გოლი ეროვნულ ნაკრებში! 39 წლის ლეგენდარულ ფეხბურთელს უბრალოდ საოცარი შედეგი აქვს, რომელსაც მატჩიდან მატჩამდე აუმჯობესებს.
პორტუგალიამ პოლონეთი 5:1 გაანადგურა, არადა, 59-ე წუთამდე ანგარიში გახსნილი არ იყო. მერე რობერტო მარტინესის გუნდი ვერავინ გააჩერა.
რონალდუმ ჯერ პენალტით გაიტანა, მერე დუბლი შეასრულა, ეფექტურად, მაკრატელა დარტყმით... რონალდუს პორტუგალიის ნაკრებში ჩატარებულ 217 მატჩში 135 გოლი დაუგროვდა - დაუჯერებელი სტატისტიკაა.
ამავე ჯგუფში შოტლანდიამ ხორვატიის ნაკრებს 1:0 აჯობა და პირველი გამარჯვება მოიპოვა ერთა ლიგაზე.
ჯგუფს პორტუგალია ლიდერობს და პირველი ადგილი განაღდებული აქვს. შემდეგ ხორვატია მოდის 7 ქულით, პოლონეთსა და შოტლანდიას 4-4 ქულა აქვთ. ბოლო ტურის მატჩები ჯგუფში 18 ნოემბერს გაიმართება: ხორვატია პორტუგალიას შეხვდება, ხოლო პოლონეთი - შოტლანდიას.
პორტუგალია - პოლონეთი 5:1 (0:0)
გოლები: 1:0 ლეაუ (59), 2:0 რონალდუ (72, პენ), 3:0 ბრუნო ფერნანდეში (80), 4:0 ნეტუ (83), 5:0 რონალდუ (87), 5:1 მარჩჟუკი (88)
შოტლანდია - ხორვატია 1:0 (0:0)
გოლი: 1:0 მაკგინი (86)
| 1. | პორტუგალია | 5 | 4 | 1 | 0 | 12 | 4 | 8 | 13 |
| 2. | ხორვატია | 5 | 2 | 1 | 2 | 7 | 7 | 0 | 7 |
| 3. | პოლონეთი | 5 | 1 | 1 | 3 | 8 | 14 | -6 | 4 |
| 4. | შოტლანდია | 5 | 1 | 1 | 3 | 5 | 7 | -2 | 4 |
მეოთხე ჯგუფში ესპანეთის ნაკრებმა გაინაღდა პირველი ადგილი, რომელმაც ზედიზედ მეოთხე გამარჯვება მოიპოვა. ლუის დე ლა ფუენტეს გუნდმა სტუმრად დანიას 2:1 აჯობა მიკელ ოიარსაბალის და აიოზე პერესის გოლებით.
ესპანეთს 13 ქულა აქვს და არაფერი ემუქრება, ბოლო ტურში აუტსაიდერ შვეიცარიას შეხვდება, რომელსაც 2 ქულა აქვს, ხოლო მეორე ადგილისთვის ბრძოლაა: დანია სერბეთს 2 ქულით უსწრებს და ბოლო ტურში ისინი ბელგრადში შეხვდებიან.
დანია - ესპანეთი 1:2 (0:1)
გოლები: 0:1 ოიარსაბალი (15), 0:2 პერესი (58), 1:2 ისაკსენი (84)
შვეიცარია - სერბეთი 1:1 (0:0)
გოლები: 1:0 ამდუნი (78), 1:1 ტერზიჩი (88)
| 1. | ესპანეთი | 5 | 4 | 1 | 0 | 10 | 2 | 8 | 13 |
| 2. | დანია | 5 | 2 | 1 | 2 | 7 | 5 | 2 | 7 |
| 3. | სერბეთი | 5 | 1 | 2 | 2 | 3 | 6 | -3 | 5 |
| 4. | შვეიცარია | 5 | 0 | 2 | 3 | 4 | 11 | -7 | 2 |
